Presentación

O Congreso “Concellos 2030” nace coa intención de poder compartir información sobre a sustentabilidade entre técnicos e responsables das nosas administracións e empresas ligadas á xestión dos recursos públicos.

Esta edición está organizada polo Concello de Carballo e Gestagua e contamos coa colaboración da Fegamp e de Urbaser, e os temas escollidos para tratar son O CICLO DA AUGA, O AFORRO ENERXÉTICO, A XESTIÓN DOS RESIDUOS e A MOBILIDADE URBANA, bases para conseguir uns concellos mais sostibles e das que en Carballo poderemos ver algúns exemplos de cada unha destas liñas, que xa se teñen levado a cabo e que consideramos van a ser de grande interese para as persoas asistentes, tendo en conta tamén que contarán coas explicacións de aqueles técnicos e responsables de área que levaron a cabo estas accións e as explicarán de primeira man, incluso cunha visita guiada.

Inscricións

A inscrición inclúe o acceso ao congreso, os desprazamentos na saída do día 29 e os coffee break pero non as comidas, excepto o “Carballo por E-tapas” que si estará incluído.

Formulario de inscrición

SAÍDAS GUIADAS: Unha das ideas de que sexa Carballo o lugar onde se realice este congreso é a posibilidade de que as persoas que asistan poderán participar na tarde do xoves dunhas visitas a coñecer accións xa realizadas neste concello. Poderán visitar as instalacións relacionadas co ciclo da auga, membros do servizo da oficina técnica municipal e de Gestagua os acompañarán a coñecer as novidosas instalacións da nova captación do Bardoso e á depuradora, e tamén coñecerán accións relacionadas mais co medio ambiente urbano, poderán coñecer a humanización, o proxecto de recollida de materia orgánica, as instalacións de aforro enerxético, o metrominuto, o proxecto ciclando, ...
Para participar nestas visitas deberán anotarse previamente.
Ao remate desta visita a organización ofreceralle un exemplo adaptado á ocasión de outro proxecto de grande éxito en Carballo que é o “Carballo por e-tapas”.

Conferencias


Alejandro Maceiras
Director da revista Iagua

David Pocero
Director de Eficiencia Enerxética de FERROVIAL

Demetrio Gómez
Concelleiro de Mobilidade de Pontevedra

Fernando Nebot
Experto en Mobilidade

Gonzalo Mosqueira Martínez
Xerente do EPE Augas de Galicia

Ignasi Puig
ENT environment & management

Iván Andrade
Director Técnico de ENERGAL e Delegado en Galicia de A3E (Asoc. de Empresas de Eficiencia Enerxética)

Joaquín Suárez
Profesor titular de UDC, GEAMA - Grupo de Enxeñaría da Auga e do Medio Ambiente

Juan José Pernas
Profesor de Dereito administrativo da UDC e Coordinador do Foro Galego Local de Economía Circular FOGALEC

Lois Lamas
Concelleiro de servizos do Concello de Carballo

Milagros Lantes
Concellería de Planificación, Estratexia Urbana e Contratación de Carballo

Mónica Pérez Medina
Subdirectora Xeral de Residuos da Xunta de Galicia

Rogerio Koehn
CEO de Gestaguaa

Xosé Manuel Golpe
Técnico da FAEPAC

Programa

Contacto

Para mais información poderán contactar coa Secretaría Técnica en: congreso@concellos2030.gal ou no 618 004 110.